Skikkeleg tilkomst til breen ville bli eit unikt tilbod. De må bli slutt på den tankegongen, at tilkomst til og utnytting av natur/villmark kun er for dei sprekaste.

Eg vil også gi ein honnør til Olav Sveinung som har verkeleg har sett poetensialet av kva som er i Jølster – og er med på å kaste ut dei ville idèeane som skal gi inspirasjon til å utvikle turistbygda Jølster. Men eg trur også at det må ei plattform til. Eg har god kontakt med Bygstadmiljøet og ser korleis dei bygger lag på lag med små attraksjonar og eg trur at oppskrifta er samarbeid og oppbacking. Der er mange små aktørar som bygger på kvarandre og alle støttar kvarandre. Eksempel: Dama som har cateringfirma kjøper råvarer hos bonden som har spesialisert seg på lammekjøt (jfr t.d. kupelam i Jølster, som ein kan fortelje ei historie om) og bringebærprodusenten. Sjølv har ho i hagen ripsbær og rabarbra som ho lagar spennande lokal mat av. Det er ikkje så mykje anna enn det våre eigne mødre laga, men ho er gourmetkokken som også kan fortelje ei historie om produkta – det er slikt som kundane av i dag likar å høyre. Serveringslokala i Bygstad er t.d. Tønna som i tillegg til å vere ein restaurant også har ei historie å fortelje og vindauge frå kafèen inn til tønneverkstaden gjer at lokala får eit heilt spesielt preg. Rytne fjellgard er eit anna eksempel som eg har følgt sidan starten då husa var nesten nedramla og bjørka voks frodig i midtgangen…no er det ein “stad” med ei historie – kresne gjester set pris på slike spesielle stadar. At utsikta over Bygstad der under Storehesten er til å ta pusten frå enkvar er så visst ikkje med på å dra ned kvaliteten og når ein sit der i badestampen ei stjerneklar natt får gjestene ei oppleving dei seint vil gløyme. Åmot Gård – egentleg ein heilt vanleg gard med eit etter tida vanleg vånigshus, men med ein overdimensjonert driftsygning (etter tida og størelsen på garden) er blitt til gardsoperaplassen….de kjenner historia. Christel med sitt cateringfirma er matleverandør til alle desse stadane og då treng ein ikkje bygge dyre kjøkken alle stadar.
Eg trur at det er slik ein må tenkje –
mange småting innan eit geografisk område der alle jobbar saman og så har du ein pakke som gjer bygda eksotisk og spennande. Dette er Bygstad, men Jølster må finne sine ting – noko anna. Eg veit ikkje mange stadar der så mange ting ligg til rette klare til bruk – berre ein klarar å gripe tingen og samarbeide – sy saman ein pakke…Astrup,Eikaas, rabarbra, landskap, Jølstervatn, fisken, Kjøsnefjorden, geitene, breen, Hugleikson, middelalderhistoria, Midttunet, hjort og sau, Tjovura, Befring sine arbeid, Haugabreen, rafting, ski og golf – her er så mykje potensiale at det må gå an å utvikle noko. Jølster Maraton er ikkje berre for idrettslaget, men ein happening som burde få mykje meir kjøt på beinet for alle dei følgjer med dei som spring – familiene. OG aktivitetsstaden for barnefamilier !!! Og så må ein gløyme at det er Jølstringar, Glopparar og Førdefolk som skal bruke attraksjonane…det er folk alle andre stadar i frå, for vi som bur her skal reise bort og oppleve og få inspirasjon!! Vi skal få dei som bur rundt dyreparken i Kristiansand, Leikeland i Bø og Tusenfryd i Østfold til å komme hit fordi vi har noko heilt anna og spesielt – for dei er metta av sine ting og leitar etter ein annan stad!!

Atle Lunde har mange gode innlegg ovanfor. Godt poeng i at vi ikkje må gjere nasjolanparken til noko negativt og avgrensande. Vi må setje pris på nasjonaparken, for den i seg sjølv er stor del av kjerna til grunnlaget for å legge ei gondolbane i Jølster. Eg er litt usikker på nøyaktig kvar grensene for nasjonalparken går i dette området. Kanskje nokon kan gi ei nøyaktig skisse / kart over dette?Når eg la inn denne tråden trudde eg at Grovabreen ikkje var del av nasjonalparken, men etter det eg ser, så har eg teke feil her. Og som Magne Skrede har påpeika det, så bør vi oppmode Reisemål Sunnfjord om å gå inn å lese i tråden, for utbygging av ei gondolbane i Jølster vil bli eit prosjekt som treng heile Sunnfjord si støtte, og vil bli ein av dei største attraksjonane og varemerka for Sunnfjord og Jølster.

Er Grovabreen å rekne som Jostedalsbreen, eller er den ein bre for seg sjølv slik at når du har vore på den så kan du ikkje seie at “eg har vore på Jostedalsbreen”? Det trur eg er eit vestentleg spørsmål å stille seg for det er viktig å kunne profilere seg med at ein sel turar til Europas største innlandsbre – ikkje berre ein liten bre ved sida av! I den tida det var snakk om veg til Grovabreen så var det diskutert i Fjordhestkretsar om kor flott det ville vore å tilby sledeturar innover breen. (eller snørekøyring slik det var på Dalevatnet i Sogndalsdalen under fjellsportveka) Det har eg tru på enno ville vore flott, men let seg ikkje gjere utan veg eller kanskje med tunnell (heis).
Reisemål Sunnfjord er inne og les og skriv på tråden nesten dagleg:-) og tilkomst til breen har vore ein draum lenge i dei kretsar.

Ved at Reisemål Sunnfjord ser potensialet i gondolbane i Jølster medfører at eit steg til er teke i retning av å tenke, og ikkje berre draume, om gondolbane i Jølster :-) Tek Reisemål Sunnfjord oppmodinga frå Magne Skrede?

Nasjonalparken kan vere ein konkurransefordel for Jølster i knivinga om å få ei gondolbane til Jostedalsbreen. Lunde og området rundt Lundeskardet er ikkje del av Nasjonalparken. Kart finn du på lenka her

http://www.dirnat.no/jostedalsbreen/

Gå til brosjyre og klikk, bla fram til s 8 og 9 for gode kart. Her ser du at det vil vere god plass til ein øvre terminal for gondolbane i området som alt er brukt for kraftutbygging.

Lunde ligg ved “kongevegen” for turisttrafikk mellom Nordfjord og Sogn. Ingen annan stad rundt Jostedalsbreen kjem du så nær breen med ein riksveg. Ingen annan stad kring breen finn du eit område stort nok for ein gonmdolterminal der du i tillegg lett kan ta deg inn på breen til fots sommarstid.

No må tida vere inne til at reiselivsfolk tek nokre telefonar til direktoratet, Jølster kommunes plankontor og ein gondolfabrikant. Inga tid å miste, Stranda på Sunnmøre har alt fått med gondolbane i si brosjyre 09/10 til cruise-selskapa.

I Jostedalen har Fylkesmannen hatt eit prosjekt gåande som handlar om dette med næringutvikling i samband med nasjonalparken. Eg vil utfordre jostedølingen Einar Ese, som er medlem i denne sona, til å fortelje litt om dette prosjektet.

Ja, men då lyt eg nok førebu meg litt.

Elles er breføring ved Jostedal Breførarlag etter kvart vorte ei stor næringsgrein.

Det har – og er – ulike syn på ein del aktivitetar som helkopterfrakting av turistar og gondolbane. Dei fleste trur eg er mot slikt no.

Ei gamal kampsak som Handspikivegen (over til Skjåk) kan i dag neppe realiserast pga. naturvernet (ma. villrein).

Personleg trur eg det er viktig å arbeid MED verneinteressene, og ikkje MOT dei.

Dei fleste jostedølene er pendlarar.

Elles har Jostedal bygdelag ei fin heimeside.

Hallstein, bror din: Geirmund, var vel mykje involvert i Open Space

Motivasjonen min for å vera aktivt med på dette, var at eg er oppteken av reetablering av ei villreinstamme i Jostedalen. Og i eit slikt arbeid håpar eg det er mykje støtte å henta frå vernestyresmaktene.

Flott at Jonas la ut link til kart her. Nasjonalpark grensa er nok eit vesentleg poeng her. Difor tykjer eg det er litt lite vits i og heile tida dra fram fjelltoppar som ligg innafor grensa. Ein kan heller konsentrere seg fyrst og fremst om dei som ligg utanfor. Og for dei som ikkje har studert karta endå so er altso ikkje Grovabreen og Haugabreen det same som Jostedalsbreen. So skulle det vere avklara. det er grunnen til at eg er litt opptatt av Jostedalsbreen. Det er heller ikkje mogeleg å komme fram til Haugabreen utan å reise langt inn i nasjonalparken.

Kan gjerne diskutere kraftverk med Magne i ein annan samnheng, men tykjer ikkje det er so uvesentlig å nevne det på denne tråden. Det var ein lang kamp, men då nasjonalparken ein gong var oppretta var grensene trekt slik at det skulle kunne byggast der oppe. Det er ikkje lenge sidan eg diskuterte det med ein erfaren fjellmann i jølster som endå trudde at Trollevatnet låg i nasjonalparken. So dette er og blir uklart for månge. Iallefall trur ikkje eg det noko negativt med utbygginga når ein no diskuterer gondol i same område. Ser selvfølgeleg problema med å byggje inntil grensene, men dei problema trur eg faktisk må verte mindre i områder der slike annlegg er næraste nabo.

Når det gjeld Reisemål Sunnfjord og kva vi kan vente oss frå dei, so trur eg ikkje vi skal tru på mirakel:-) At dei er positive er det ikkje tvil om, men vi kan ikkje forvente at dei skal jobbe saka fram for oss. Då må vi sjå mot Bygstad som Judith også nevner, der skaffar dei midlar so dei kan ha folk på heiltid til å jobbe med prosjekt.

Eg støttar iveren din, Atle, og ynskje om å gjere fleire ting samstundes. Gondolbane var i utgangspunktet eit sydeuropeisk fenomen, som førde folk høgt til fjells. Det er ikkje tvil om at gondolbana på Voss, frå Vangja og opp på Hangurden(eller korleis det skrivst)har vore viktig både for turistar og fastbuande på Voss. Bak Hangurden ligg Lønahorgi og Bavallen,det siste er vintersportsstaden til vessene. Skal ein ha gondol opp til breen, må det betydelege innretningar til på toppen. Eg ser føre meg vekselvirkning mellom Bremuseet i Fjærland og tur til brekanten. Eg trur og at sjølve opplevinga i gondolen ville gje magevirkningar. Men det må, som eg har nemnt, meir til. Då får ein ei utfordring når det gjeld forurensing og forsøpling. Eg trur det må mange aktørar inn i eit slikt prosjekt. Det ville vere fenomenalt om ein fekk det til, utan tvil eit tilbod ingen ville unnvere, om dei reiste gjennom Jølster. Eller kan hende, ein viktig grunn til å leggje turen til Jølster.
Folgefonna har veg til brekanten. Skituristar er flittige der. Men Grovabreen høyrer vel,arealmessig,til Jostedalsbreen?
Til slutt, det er spennande å diskutere på denne tråden her. Eg er ikkje imot det nye, men det er nyttig å bruke det ein har også.
På Sunnmøre tok dei fleste bedrifter til i kjellarane, så utvikla dei det som dei hadde fått til. Det var ofte slit og nøkterneheit for gryndarane. Dei hadde litt vanskar når dei skulle levere bedrifta vidare til ein litt meir blasert andregenerasjon. Det var ein som sa: “Det har aldri slått feil, Sunde!”: “Det går oppover på tresko og nedover på lakksko!”

Mulig eg har uttrykt meg feil, eg meiner selvfølgeleg at vi skal utnytte og bruke alt vi har i Jølster pr i dag. Også vidareutvikle det! Det er vel ein selvfølge.

Har ikkje noko imot Grovabreen eller Haugabreen heller, men korleis Grovabreen høyrer arealmessig til Jostedalsbreen veit eg rett og slett ikkje? Forstår ikkje heilt kva Harald meiner der? Dei er i samme nasjonalpark, det er klart. Men det er det mange andre breear også som er. Det har vel ikkje so mykje med denne saka og gjere?

Har sjøl også tru på dei som jobbar seg opp frå kjellarane, den tankegangen, kunnskapen og iveren dei hadde må ein ta hatten av for. So får ein velje korleis ein ser på dette prosjektet. Ser ein vekk frå at Jølster har gamle bretradisjonar og andre tradisjonar knytt til fjellet gjennom fleire hundre år, ja so får ein byrje i morgon den dag med eit nytt kapittel….og jobbe oss oppover på nytt:-)

Det var eg som stilte spørsmålet om Grovabreen er å rekne som Jostedalsbreen. Eg har ikkje fått svar på det egentleg (les elles det innlegget mitt for å forstå spørsmålet)

Eg svara på det spørsmålet ditt Judith. Det er ikkje nokon samanheng mellom dei breane. I det siste innlegget mitt var det Harald S som eg prøvde å svare, han stiller nesten det same spørsmålet som deg. Ellers går det an å gå inn på sida som Jonas T la ut og studere kart der, då ser du korleis terrenget og grensene går.

Eg har alltid rekna Grovabreen med til Jostedalsbreen, men den høyrer ikkje med til hovudplatået, det veit eg sjølvsagt. Eg veit ikkje kor stort hovudplatået er i dag, men det var ein gong 473 kvkm. Med alle breane omkring, i tillegg, er arealet 815kvkm. Det var det eg meinte, Atle, når eg nemnde “med til arealet”.( Eg forstod deg slik at du ikkje rekna Grovabreen med til Jostedalsbreen) Men det er i denne samanhengen eit ganske viktig spørsmål. Skal du markedsføre ei gondolbane til Jostedalsbreen så må den gå dit, slik Judith seier. Etter mi vurdering er det lettare å komme seg til Grovabreen enn på Lundeskaret. Eg tenkjer via Dvergsdalsdalen. Men det er Lunde som har bretradisjonane. Å tenkje på den måten syns eg er storarta, og utan tvil, som andre har sagt, det mest specktakulære.

Ei realisering av gondolbane i Jølster, med restaurant på endestasjonen, med plassering ved Jostedalsbreen vil bli noko som ikkje er å finne andre stader i verda. Unikt! Dette er ein idè som ved realisering vil gi tilskot til bl.a. auke i næringsverksemd og arbeidsplassar (og på sikt ekstra busetnad). Dette var nokre få stikkord som kan linkast til andre trådar her på Jølster-sona, som kanskje får fleire til å kaste seg inn i idèutvekslinga om gondolbana?

Jon Skrede arbeidde med planar om gondolbane i Lundebotnen så tidleg som i 1961. Eg jobba i resepsjonen på hotellet den sommaren, og Jon inviterte meg med på møte med grunneigarane på Lunde. Resultatet av møtet vart at Jon ikkje fann grunnlag for å gå vidare med planane.

Med det trafikkgrunnlaget som var i Kjøsnesfjorden i 1961, kan ein vel no karakterisere utspelet hans som heller optimistisk.

Besøkspotensialet for transport til breområda, anten med veg eller bane, er heilt annleis i dag. Spesielt spennande vil det vere dersom planane om cruisesatsing i Sogndal med opptil 100 000 årlege passasjerar, blir realisert.

Då forsto du meg rett, eg reknar ikkje Grovabreen med til Jostedalsbreen. Jostefonn ligg jo nærmare, men heller ikkje den reknar eg med til Jostedalsbreen, då dei ikkje på nokon måte heng saman. Korleis arealet vert rekna veit ikkje eg, som sagt det er sjølve Jostedalsbreen eg konsentrerer meg om, og då er det den breen som er i eit stykke:-)

Når det gjeld valg av rute for ei slik bane so må nok ekspertane vurdere det. Er ikkje sikkert den lettaste vegen er den beste, den vurderinga får kome seinare. Og det er alltid greit og ha fleire alternativ som vert utarbeida:-) Som sagt tidligare, skulle det vere andre plassar i Jølster som hadde vore lettare og betre å komme seg til Jostedalsbreen so er det kjempeflott. Eg ser so stort på ting at eg ville ynskje velkommen ein gondol i Bøyadalen også…om vi i Jølster ikkje skulle lukkast:-) Eg trur iallefall at dette burde vi kunne dra nytte av langt utanfor Jølster.

Kan ikkje begripe at dette med gondol må bli ein suksess. Tenk på alle frikjørarane som vil ønske dette tilbodet velkomen. Heliskiing er ikkje lovleg i Norge. Men med Gondol vert dette kjent langt ut over landets grenser. Glimrande sak som politikarane i Jølster bør kunne samle seg om som ei viktig sak for Jølster.

Nei no ser eg at ALLE er einige med det vi har skreve i valprogrammet vårt i Jølster Venstre!! Snakk om å få folk med seg! Sjå her kva vi skreiv for snart to år sida.
Men det var nytt for meg at han Jon Skrede såg dette potensiale føre seg alt i 1961! Men so er han og ein klok og framsynt mann som har gjort ein framifrå jobb for Jølster som hotelleigar og utviklar av turistnæringa i kommunen!
Og her er sitat frå Jølster Venstre sitt valprogram frå 2007-2011:
Visjonar for framtida

Jølster skal vere ein opplevingskommune, både for vi som bur her og dei som vitjar oss…. Tiltak kan då vere:

- Gondolbane til Jostedalsbreen i Kjøsnesfjorden

Dette vil bety mykje for utviklinga av kommunen, både for turistnæringa og for dei fastbuande. Det nye bresenteret i Fjærland har sett fokus på klimaendringane, noko som opptek folk flest. Klimaet er den viktigaste miljøsaka i vår tid. Ynskje om å få komme nær breen for å sjå og oppleve kan bli mogeleg for mange om det vert bygd ei gondolbane.

- Geoturisme som ivaretek , forsterkar og framhevar den lokale eigenart i Jølster som miljø, kultur, estetikk og kulturarv.

Einig med Harald K. Sunde I at Grovabreen blir rekna som ein arm av Jostedalsbreen. Slik har det alltid vore. Den blir også rekna med i totalarealet.

Atle påpekar ganske riktig at innlegget mitt er litt rart. I første setning skal det sjølvsagt vere “anna,” etter begripe, for at innlegget skal gi noko meining. Anne C.K tok den :-) Takk Atle, for rettskrivings leksjon :-) Ellers reknar eg Jostedalsbreeen som Jostedalsbreen. Td. Haugabreen/Snønipebreen og Grovabreen, er ein del av Jostedalsbreen nasjonalpark, men ikkje Jostedalsbreen.

Eg har nå tatt opp spørsmålet om Grovabreen er rekna som ein arm av Jostedalsbreen og om den vert rekna med i totalarealet, med Olav Orheim. Han er nok kjent for dei fleste, ellers kan ein gå inn på Google.

Eg kunne sitere han på at Grovabreen ikkje vert rekna som ein arm av Jostedalsbreen, den er heller ikkje med i totalarealet til Jostedalsbreen. Han viste ellers til: http://www.nve.no/admin/FileArchive/79/største%20breer%20i%20Norge.pdf
Det er lista som NVE har over dei største breane i Noreg, der står areal på alle brear og Grovabreen ligg her på 20 plass.

Svar til Magne Skrede ang. RS. Initiativet må komme frå ei tiltaksgruppe i Jølster – som vil arbeide for dette prosjektet. Det er så naturleg å be om eit møte med reiselivssjefen i Sunnfjord for å presentere planene. Reisemål Sunnfjord er støttespelar for tiltak i alle dei fire kommunane som er eigarar – men ikkje den som utfører sjølve utviklinga – det seier seg sjølv når ein veit at RS består seg av 2 personar (fortida 1 1/2) . Det første ein sikkert må gjere er ei markedsundersøking – er det noko for t.d. høgskulen (ev. akt. elevar frå Jølster) å gjere?

Interessant tema, dette med tilkomst til breen.Vi bør gjere meir utav denne tanken. Eit par kommunar (utan å nemne namn)ville nok vunne lettare fram enn Jølster med slike planer,men no bør det vere vår tur .
Men kva er best av veg eller g-bane ?
Det som er sikkert er at g-bane er best eigna til Jostedalbreen , og då på Lunde eller Fonn.
Veg vil vere best eigna til Grovebreen eller Snønipebreen. Veg til Jostedalsbreen fall kanskje bort når ikkje ein vann fram i samband med Kjøsn.fj.kraft.
Einaste alt.med veg til J.d.breen er kanskje Befringsdalen

Kva med Haugabreen, då? Er der ikkje veg langt innover mot den allereie? (Eg er ingen høgfjellsvandrar så eg har ikkje vore der…heller) Fonn tykkjer eg var eit spennande forslag!

Haugabreen er ein arm av Snønipebreen,så den er grei.
Når det gjeld gondolbane , vil eg tru at Tverrfjellet
på Lunde eller Hovdeskrednibba på Fonn er gode alt.
men grensa for Nasjonalp. tangerar akkurat desse toppane.
Tenk om vi då også hadde fått vegprosjektet Stardalen – Olden realisert (tunnell),då hadde det verkeleg “teke av”

Det må nok utarbeidast fleire alternativ. Kjetil er godt kjent i fjella rundt Jølster og veit kor grenser og utsikt er:-) Judith bør få tak i eit kart so er det lettare å setje seg inn i saka, dette er ikkje meint som kritikk, eg brukar kart sjøl og det er svært nyttig.

Dette har eg sagt før, veg er ikkje noko alternativ, skal ein først bruke pengar på noko slikt, må ein kunne nytte det heile året. Det er heller ikkje nokon plass du kan byggje veg til Jostedalsbreen utan å krysse grensa til nasjonalparken. Og no har vi jo fått slått fast frå høgaste hald, at Jostedalsbreen kun er ein bre. Tunell var eit alternativ, men det forsvann for over 10 år sidan når vi ikkje var vakne nok til å sjå muligheten.

Då står vi igjen med to alternativ, Fonn og Kjøsnesfjorden, der ein må ha Gondolbane båe plassar.

Når eg studerer kartet so ser det ut til at ein ikkje kjem heilt til brekanten på Fonn, utan å kome inn i nasjonalparken. Ein kjem opp i eit område der det ikkje har vore bygd noko før, det kan vere positivt men i denne samanhengen kanskje ikkje so bra. Men om det ein gong i framtida kjem tunell til Briksdalen vil dette alternativet vere gull!

I Kjøsnesfjorden har ein 2 alternativ, anten la bana gå opp på innsida av Lunde skaret slik Kåre Bjørnarheim tegna ho i 1961, so vidare opp til Marabreen og eventuellt derifrå og opp på Tverfjellet. Ei meir syneleg bane kunne og gå frå Lundebotnen og rett på Tverrfjellet. På Tverrfjellet er det nok dårlegare med plass mht nasjonalparkgrensa, so det lettaste vert nok opp til Marabreen. Ein kjem uannsett oppi eit område som har vore aktivitet i mht kraftutbygginga. Ein har også stor trafikk i dag, forbi eventuell påstigning til bana, og endå større når bommen i fjærland forsvinn, og viss det vert cruisetrafikk til Sogndal som Harald V skriv om. So her er det bakdelar og fordelar med båe alternativ. Begge bør uannsett utgreiast.

Dette vart ei rask oppsumering. Det er nok ei selvfølge at Jølster må utarbeide dette vidare sjøl utan å rekne med at RS tar jobben. Det er vel også store sjansar for at Venstre allereie er komne godt i gang med dette arbeidet då dei hadde dette på valpogramet sitt, og har Høgre jobba videre med sine planar om heving av brua på Kjøsnes, ja so ser framtida i Jølster lys ut:-)

Eg har mest tru på ei plassering i Kjøsnesfjord-området. Først og fremst med tanke på tilkomst, som vert rett ved krysset på Skei, og ved at det vert liggande tett opp til bresenteret Fjærland. Det vert på sett og vis “full pakke” innan korte avstandar.

Atle, du ser ut til å ha skaffa deg ganske mykje kontroll på saka allereie, og du sit i Jølster Reiseliv, og har interesse og glød for prosjektet! Eg trur du (gjennom Jølster Reiseliv) er den rette til å ta det første initiativet til å setje saman ei arbeidsgruppe, med aktuelle representantar, som må analysere mogelegheitene. Venstre er etter opplysningane ovanfor programforplikta til å arbeide politisk med saka ;-)

Heilårsbruk er viktig! Kjøsnesfjorden ligg best til i høve til trafikken og andre nemnde forhold. Det er berre å stå på, Atle og Anne-Cecilie!!

Opp Lunda-skaret til dans gjekk sunnfjordingane kring 1900. Hotelleigar Jon Skrede fortel at far hans, Tollef Skrede, spelte fele til dans oppe på platået mot Mara-breen. Og dit for å svinge seg kom folk frå Sogn til møtes.

Jon fortel vidare etter far sin at staten gav tilskot til stien opp Lundaskaret kring 1900. Det vart sett opp solide rekkverk, og Tollef Skrede meinte stien då var i så god stand at han kunne leidd ein fjordahest med seg opp skardet. Det kunne jo vere greitt å ha nokon til å bere fela ….